Campamentos
Campamento de Nadal
A temática deste campamento xira arredor das festividades propias do Nadal, tanto galegas como doutras partes do mundo. Aproveitamos estas datas para aprender a través da creatividade, o xogo e a celebración.
Todos os luns están dedicados á ciencia. Cremos que realizar experimentos por un mesmo/a é unha das mellores formas de espertar o interese científico.
O resto da semana combinamos manualidades, obradoiros, teatro e xogos, creando un ambiente variado e enriquecedor.
O noso obxectivo principal é que fagan amizades, se divirtan, colaboren e sintan que forman parte dun grupo.
Campamentos de Verán
En cada edición propomos unha temática distinta para que os nenos e nenas que repiten poidan vivir experiencias novas: arte, natureza, cultura, teatro ou música.
Os luns están dedicados á ciencia, con experimentos adaptados a cada idade que fomentan a curiosidade e o pensamento crítico.
Co bo tempo, saímos ao parque ou facemos excursións ao río para refrescarnos e gozar da contorna.
Buscamos un ambiente relaxado onde crear, aprender, convivir e divertirse sexan parte do día a día.
