O Nadal ten fame de ser unha época do ano máxica e familiar, pero cunha cara B que fomenta o consumismo e na que os residuos aumentan moitísimo. N’As Curuxas cremos que non ten porque prescindir da calor que despenden estas datas, ao mesmo tempo que lle botamos unha man ao planeta, que só temos un. Por iso, durante este Nadal de 2021 queremos organizar un obradoiro para desfrutar o espíritu navideño pero desde o respecto ao medio ambiente. Por iso vos facemos chegar o noso obradoiro “Carta ao Apalpador”.
Un obradoiro onde abordamos a tradicional carta para darlle un toque fresco, divertido e orixinal. Os nenos e nenas non só terán a oportunidade de realizar a súa propia e persoal carta, totalmente customizada por eles, senón que aprederán o valor da reciclaxe e de facer as cousas por un mesmo/a.
Ademais, non só traballaremos o compromiso polo medio ambiente, senón que hai un gran compoñente educativo ao traballarse a lecto-escritura. Aprenderán xogando e non hai mellor xeito de facelo.
O noso obradoiro estará estruturado en tres eixos:
En primeiro lugar elaboraremos papel reciclado desde cero, desde a folla que íamos tirar ata o novo papel que está listo para escribir.
En segundo lugar, traballaremos a escrita ao redactar a carta ao Apalpador.
Por último lugar, deixaremos voar a nosa imaxinación para decorar a nosa obra de arte.
Se estades interesados/as neste obradoiro podedes porvos en contacto con nós por teléfono: 699 75 11 48 ou visitándonos no noso local (Av. 25 de xullo, 9. Allariz).
