Xa imos pola terceira convocatoria do noso campamento de Nadal. Aínda que este nadal vai a ser moi diferente pola problemática do coronavirus, non queremos que esta pandemia nos roube máis cousas e decidimos seguir adiante con esta tradición. Será un campamento pequeno para poder garantir que cumprimos con todas as medidas sanitarias.
O noso campamento de nadal é un campamento urbán para nenos/as de 3 a 12 anos. O único requerimento para poder participar é que a nena/o vaia só ao baño.
A temática central do campamento será as festas do nadal pero tendo como eixo central as diferenzas culturais que hai arredor de todo o mundo con estas festividades. Por exemplo en Ucranía é típico decorar as casas con teas de araña ou en Lituania hai que recitar un poema para poder recibir un agasallo. Mediante actividades como obradoiros ou xincanas coñeceremos esas pequenas curiosidades doutras culturas. Ademais, como é marca persoal nosa, todos os luns do campamento serán día de ciencia con experimentos.
Todas estas actividades estarán adaptadas á problemática do coronavirus. Os materiais serán individuais e intransferibles, para así minimizar o contacto entre nenos e nenas. Todos os materiais que se teñan que compartir serán desinfectados entre uso e uso. A sala de xogos estará dividida en cadrados de 1.5×1.5m de tal xeito que cada neno poida ter o seu espazo persoal, respectando as normas de distanciamento social. Xa realizamos campamentos de verán baixo a normativa covid, polo que non é a primeira vez que nos enfrontamos a esta situación.
Por outra banda, haberá estritas medidas de control e hixiene. Desinfección de mans e pés ao entrar no local e toma de temperatura. O uso de tapabocas será obrigatorio, independentemente da idade do neno/a. Todos os útiles persoais dos nenos serán gardados en caixas individuais para que non entren en contacto uns cos outros.
A pesar de todas estas medidas, o campamento será ameno e dinámico. Os nenos teñen un poder de adaptabilidade innato a eles e aprenden a xogar e gozar en calquera situación. Aínda que con novas medidas de hixiene, os xogos son xogos e serven para pasalo ben.
O horario do campamento será de 10 am a 14 pm
Durante estas horas terá lugar o campamento propiamente dito, coas actividades realizadas a cargos das monitoras. Porén, temos un servizo de acollida temperá que comeza ás 9 am para os pais e nais que o precisen.
Desconto para irmáns, estudantes da academia e membros da ANPA Airiña: 10%
Os descontos non serán acumulables
Pasa polo noso local en Rúa 25 de Xullo, 9 (Allariz)
Tes imaxes doutros campamentos na nosa web
